Bintighimbe ristorantes e bator pitzerias de Sardigna in sa Guida Espresso

Essida dae pagu s'editzione 44 de sa "Guida Espresso"
13 Maju 2022
in sa mesa

In sa Mesa - Est essida dae pagu s’editzione 44 de sa "Guida Espresso", su manuale chi (gasi si presentant) «oferit un’istantànea de sa ristoratzione italiana atuale» in contu de binos, ristorantes e pitzerias.

Lassada a banda sa valutatzione in puntègios dae unas cantas editziones a como, bidimus chi sos votos sunt espressados cun sos “cappelli”, dae 1 a 5. E nd’ant pigadu tres sos ristorantes “Dal Corsaro” de Casteddu e “Confusion” de Porto Cervo (Alzachena): ambos duos tenent unu “chef stella Michelin”: Stefano Deidda su primu e Italo Bassi su segundu. Duas berritas pro su ristorante de Luigi Pomata de U Pàize (Carloforte), pro su “Hub” de Macumere, pro "I Sarti del gusto” de Casteddu, pro “Arkè” de Cuartu, e pro su “Da Achille Hotel Moderno” de Santu Antiogu. In custa postatzione b’at àpidu una crèschida, a dae chi como sunt chimbe e unu ebbia sa borta colada.

in sa mesaÀteros 18 conchistant una berrita ebbia cun bator intradas noas: “Chiaroscuro” de Marina Ravarotto e “Duanima”, in Casteddu, “Musciora” in S’Alighera, “Il Purgatorio Dani e Pier Restaurant” in Tèmpiu. Torrados a cunfirmare “Il Portolano” de Lòiri; “Somu” e “La Rocca” in Baja Sardinia (Alzachena), “Coxinendi” in Seddori; “Da Nicolo” in Carloforte; “L'Essenza Bistrot” in Bosa; “Su Gologone” in Ulìana; “Al Tuguri” in S’Alighera; “Il Cormorano” in Calteddu; “Hotel Golden Gate” in Bultiggjata; “Hotel Gabbiano Azzurro-Blu” in Fìgari; “La Gritta” in Palau; “I Frati rossi” in Porto Cervo (Alzachena); “Da Giovannino” in Porto Rotondo (Terranoa).

Pro sas pitzerias sos votos sunt espressados in fitas (spicchi), dae 1 a 3. E tres nd’ant pigadu sas de “Framento” in Casteddu Cagliari, “Re/Mi” de Tàtari e “Bosco” in Tèmpiu. Duas ebbia pro “Sa Scolla” de Casteddu.

Sos de sa “Guida” ant seberadu custas aziendas sardas intre prus de 2mìgia ristorantes e prus de 100 pitzerias.

M.P.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags

In sa mesa

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

Image
logo-ras65-1024x257.jpg