Eletzionis comunalis: ballotagiu Zedda-Fantola. Is votus de is candidaus a síndhigu e de is listas

(IlMinuto) – Casteddu, 17 de su mes'e maju - In Casteddu Massimo Zedda e Massimo Fantola ant a bandai a su ballotagiu. A su mamentu is setzionis scuadrignadas funt 173 ndi mancant ancora duas, cun su 45, 15 po centu su candidau a síndhigu de su centrusinistra est ainnantis de su rapresentanti de is Riformatori (44,7 po centu) de calencuna centina de votus. Is eletoris casteddaius ant a depi torrai a is urnas po su ballotagiu tra duas cidas. Totus is àterus candidaus a síndhigu funt abarraus asuta de su cincu po centu pighendi cunsensus strintus strintus ma chi no funt de pagu contu po su segundhu turnu. Custas is percentualis: Ignazio Artizzu (4,48); Claudia Zuncheddu (2,44); Emanuela Corda (2,05); Ornella Demuru (0,39); Patrizia Serra (0,36); Gianmario Muggiri (0,28); Michela Melotti (0,16). Is cunsensus a is partidus premiant invecis su centrudestra chi pigat sa majoria in Consillu comunali. Custas is percentualis lista po lista 169 setzionis scuadrignadas, funt in totu 175: Pd (18,12), Pdl (16,24), Riformatori sardi (9,76), Udc (9,01), Sel (6,96), Patto per Cagliari (4,26), Uds (3,69), Centro giovani (2,92), Idv (3,49), PsDaz (3,38), Fds (2,74), Fli (2,57), Meglio di prima non ci basta (2,02), Rosso mori (1,99), Movimento Cinque stelle (1,82), Psi (1,7), Mpa (1,6), Fp (1,09), Verdi (1,02), Indipendentistas (0,92), Dc (0,76), Irs (0,74), Movimento civico (0,51), ProgRes (0,43), Popolari (0,39), La Destra (0,27), Onestà e progresso (0,26), Sardigna Natzione (0,24), Msi-Dn (0,23), Pcl (0,12), Paris (0,07).